کیف: (دنیا نیوز) یوکرین پر روسی حملوں میں مزید 8 شہری ہلاک جبکہ 18 زخمی ہوگئے۔
غیر ملکی میڈیا کے مطابق گزشتہ 24 گھنٹوں میں روسی فضائی حملوں میں بچوں سمیت 18 افراد ہلاک ہوگئے۔
یوکرین کی فضائیہ نے دعویٰ کیا ہے کہ روس کی جانب سے 45 مختلف ڈرونز اور ایس 400 میزائل لانچ کیے گئے جن میں سے یوکرین کے زمینی فضائی دفاعی یونٹس نے 24 ڈرونز کو مار گرایا۔
دوسری جانب یوکرین کے صدر ولادیمیر زیلنسکی برطانوی وزیراعظم کیئر اسٹارمر سے ملاقات کے لیے ان کی سرکاری رہائش گاہ 10 ڈاؤننگ اسٹریٹ پہنچے۔
برطانوی وزیراعظم کیئر اسٹارمر نے کہا کہ انہوں نے امریکی صدر ڈونلڈ ٹرمپ سے یوکرین میں جاری جنگ کے خاتمے کے لیے بات کی ہے اور کہا کہ یہ وقت اس جنگ کے خاتمے کے لیے قابل عمل حل کا بہترین موقع ہے۔
.jpg)
