ماسکو: (دنیا نیوز) اماراتی صدر شیخ محمد بن زاید النہیان روس پہنچ گئے، ماسکو میں صدراتی محل پہنچے پر روسی صدر پیوٹن نے گرمجوشی سے استقبال کیا۔
غیر ملکی میڈیا کے مطابق دونوں رہنماؤں کے درمیان ایک اہم ملاقات ہوئی، باہمی تعلقات، علاقائی سکیورٹی اور عالمی امور پر تبادلہ خیال کیا گیا، اماراتی صدر نے روسی صدر پیوٹن کو یوکرین تنازع حل کرنے میں مدد کی پیشکش کی ۔
.jpg)
روسی صدر پیوٹن نے کہا کہ روس اور متحدہ عرب امارات کے تعلقات ہر گزرتے دن کے ساتھ مضبوط ہو رہے ہیں، دونوں ممالک خطے میں امن و استحکام کے لیے مل کر کام کر رہے ہیں۔
غیر ملکی میڈیا کے مطابق اقتصادی تعاون، توانائی، سرمایہ کاری اور سکیورٹی کے امور پر بھی بات چیت ہوئی۔
دونوں رہنماؤں کے درمیان مشرق وسطیٰ میں جاری حالات پر بھی تفصیلی گفتگو ہوئی۔
