مدینہ منورہ: (دنیا نیوز) مدینہ منورہ میں باران رحمت ہوئی جس کے باعث موسم خوشگوار ہوگیا۔
زائرین نے بارش برسنے پر اللہ کا شکر ادا کیا، عاشقان رسولﷺ شدید بارش میں بھی بارگاہ خداوندی میں سجدہ ریز نظر آئے، بارش کے بعد گرمی کی شدت میں بھی واضح کمی ہوگئی۔
سعودی عرب میں موسمیات کے قومی مرکز کا کہنا ہے کہ مملکت کے بیشترعلاقوں میں بارش کا سلسلہ رواں ہفتے کے آخر تک جاری رہنے کا امکان ہے، رپورٹ کے مطابق جازان، عسیر، الباحہ، مکہ، مدینہ اور نجران ریجن میں درمیانے درجے سے شدید بارش جبکہ ریاض قصیم، حائل اور الشرقیہ ریجن ہلکی سے درمیانے درجے کی بارش کی زد میں رہیں گے۔
رپورٹس کے مطابق جنوب مغربی اور مغربی پہاڑی علاقوں خاص طور پر جازان، عسیر، الباحہ اور مکہ میں شدید بارش کا امکان ظاہر کیا گیا ہے، بعض مقامات پر گرد آلود ہوائیں بھی چلیں گی۔
موسمیات کے قومی مرکز نے شہریوں اور رہائشیوں سے کہا ہے کہ وہ ویب سائٹ اور میڈیا پلیٹ فارمز کو فالو کریں اور حکام کی ہدایات اور گائیڈ لائنز پر عمل کریں۔
