غزہ: (دنیا نیوز) غزہ سے مزید 2 یرغمالیوں کی لاشیں اسرائیل کے حوالے کردی گئیں۔
اسرائیل نے مغربی کنارے میں فوجی آپریشن کیا، فلسطینیوں کو گھر خالی کرنے کا حکم دے دیا، غزہ میں 24 گھنٹے میں مزید 13 فلسطینی شہید کر دیئے گئے، جنگ بندی معاہدے کے نفاذ سے لیکر اب تک شہدا کی تعداد 100 سے زائد ہوگئی۔
تباہ شدہ عمارتوں کے ملبے سے لاشیں ملنے کا سلسلہ بھی جاری رہا، مختلف ہسپتالوں میں مزید 57 فلسطینیوں کی لاشیں لائی گئیں، شہدا کی تعداد 68 ہزار 229 ہوگئی۔
غزہ میں لاشوں کے انبار لگ گئے، ہسپتالوں میں گنجائش ختم ہوگئی، امداد تاحال بند رہی، فرانسیسی صدر نے رفاہ بارڈر فوری کھولنے کا مطالبہ کیا۔
