لاہور: (دنیا نیوز) کاروباری ہفتے کے پہلے روز ڈالر کے مقابلے میں روپے کی قدر معمولی کم ہوئی جبکہ سٹاک مارکیٹ میں بھی مندی کا رجحان دیکھنے میں آیا۔
انٹر بینک میں ڈالر 27 پیسے اضافے کے ساتھ 227 روپے 40 پیسے پر بند ہوا، اوپن مارکیٹ میں ڈالر 236 روپے 75 پیسے پر فروخت ہوا۔
دوسری جانب سٹاک مارکیٹ میں مندی کا رحجان دیکھنے میں آیا، کاروباری ہفتے کے پہلے روز مارکیٹ میں 100 انڈیکس 502 پوائنٹس کمی کے ساتھ 40 ہزار 504 پوائنٹس کی سطح پر بند ہوا۔
