اسلام آباد: (دنیا نیوز) اقتصادی رابطہ کمیٹی نے پیرا سیٹا مول سمیت مزید 20 ادویات کے ریٹ بڑھانے کی منظوری دے دی۔
وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا، اجلاس میں پیرا سیٹامول کی 500 ملی گرام گولی کی قیمت 2.6 روپے جبکہ پیرا سیٹامول ایکسٹرا کی 500 ملی گرام کی گولی کی قیمت 3.3 روپے مقرر کرنے کا فیصلہ کیا گیا۔
اجلاس میں ای سی سی نے مزید 20 ادویات کے ریٹ بڑھانے کی بھی منظوری دی، اس کے علاوہ بجلی کے بڑے صارفین سے 76 ارب روپے وصول کرنے کا فیصلہ کیا گیا۔
اجلاس میں فیصلہ کیا گیا کہ بجلی کے بڑے صارفین پر ایک روپیہ فی یونٹ سرچارج عائد ہو گا، سرچارج کا اطلاق کے الیکٹرک کے صارفین پر بھی ہوگا۔
Finance Minister Senator Mohammad Ishaq Dar chaired the meeting of the ECC and approved a number of proposals of ministries/divisions including prices of 18 new drugs, which are lowest as compared to their prices in neighbouring countries, reduction in prices of 20 drugs,etc. pic.twitter.com/U54Qi0wDJS
— Ministry of Finance (@FinMinistryPak) February 10, 2023
اجلاس میں سیلاب سے متاثرہ علاقوں کے لیے 10 ارب سے زائد کے بجلی کے بل معاف کرتے ہوئے بلوں کے لیے 10 ارب 34 کروڑ کی گرانٹ منظور کی گئی، ای سی سی وزارت دفاع کے لیے 45 کروڑ روپے کی گرانٹ منظور کی گئی۔
