کراچی: (دنیا نیوز) پاکستان سٹاک مارکیٹ میں تیزی، ایک لاکھ 33 ہزار پوائنٹس کی حد بحال ہوگئی۔
کاروباری ہفتے کے چوتھے روز کاروبار کے آغاز پر ہی پاکستان سٹاک ایکسچینج میں زبردست تیزی دیکھنے میں آئی ہے۔
پاکستان سٹاک ایکسچینج میں ٹریڈنگ کا اختتام گرین زون سے ہوگیا، ہنڈرڈ انڈیکس 1205 پوائنٹس بڑھ کر 1 لاکھ 33 ہزار 782 پوائنٹس کی حد پر بند ہوگیا۔
100 انڈیکس کی یومیہ بلند سطح 133902 اور یومیہ کم ترین سطح 132706 پوائنٹس رہی، سٹاک ایکسچینج میں 93 کروڑ 79 لاکھ مالیت شیئرز کا کاروباری حجم 35 ارب روپے سے زائد رہا۔
واضح رہے کا گزشتہ کاروباری روز کے اختتام پر انڈیکس 826 پوائنٹس کی کمی کیساتھ ایک لاکھ 32 ہزار 576 پوائنٹس کی سطح پر بند ہوا تھا۔
