کراچی: (دنیا نیوز) پاکستان سٹاک ایکسچینج میں ہنڈرڈ انڈیکس ایک بار پھر نئی بلند ترین سطح پر پہنچ گیا۔
کاروباری ہفتے کے پانچویں روز کاروبار کے آغاز پر سٹاک مارکیٹ میں زبردست تیزی دیکھنے میں آئی، 900 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 34 ہزار 711 پوائنٹس کی سطح پر پہنچ گیا۔
تاہم سٹاک مارکیٹ میں پہلے ٹریڈنگ سیشن کے اختتام پر انڈیکس 780 پوائنٹس بڑھ کر پہلی بار ایک لاکھ 34 ہزار 562 پوائنٹس کی ریکارڈ سطح پر بند ہوا۔
پاکستان سٹاک ایکسچینج کے پہلے ٹریڈنگ سیشن میں 42 کروڑ مالیت شیئرز کا کاروباری حجم 22 ارب روپے رہا۔
واضح رہے کہ گزشتہ کاروباری دن کے اختتام پر ہنڈرڈ انڈیکس 1205 پوائنٹس بڑھ کر 1 لاکھ 33 ہزار 782 پوائنٹس کی حد پر بند ہوا تھا۔
ماہرین کا کہنا ہے کہ مالیاتی نتائج کی مثبت خبروں اور شرح سود میں ممکنہ کمی سے سٹاک ایکسچینج میں ریکارڈ تیزی دیکھنے میں آئی ہے۔
