کراچی: (دنیا نیوز) نئے مالی سال کی پہلی مانیٹری پالیسی کا اعلان آج کیا جائے گا۔
گورنر سٹیٹ بینک کی زیر صدارت مانیٹری پالیسی کمیٹی کا اجلاس ہوگا، کمیٹی معاشی اعدادوشمار کے جائزے کے بعد مانیٹری پالیسی ریٹ کا فیصلہ کرے گی،یاد رہے کہ سٹیٹ بینک نے شرح سود 11 فیصد مقرر کر رکھی ہے۔
واضح رہے کہ سٹیٹ بینک آف پاکستان مالی سال 26-2025 کیلئے مانیٹری پالیسی کے اعلانات کا شیڈول جاری کر چکا ہے جس کے مطابق رواں مالی سال میں سٹیٹ بینک 8 بار مانیٹری پالیسی کا اعلان کرے گا۔
شیڈول کے مطابق پہلی مانیٹری پالیسی کا اعلان آج (30 جولائی) کو ہوگا، دوسری مانیٹری پالیسی 15 ستمبر، تیسری 27 اکتوبر اور چوتھی 15 دسمبر کو آئے گی جبکہ پانچویں پالیسی 26 جنوری 2026 اور چھٹی پالیسی 9 مارچ 2026 کو پیش ہوگی۔
ساتویں پالیسی کا اعلان 27 اپریل 2026 اور مالی سال کی آخری پالیسی کا اعلان 15 جون کو ہوگا، پالیسیوں کے ذریعے شرح سود کا تعین ہوگا۔
