کراچی: (دنیا نیوز) حکومت کا بڑا فیصلہ، سٹیٹ بینک راست پی ٹو مرچنٹ کیو آر کوڈ پر سبسڈی کا اعلان کر دیا۔
حکومت نے ڈیجیٹل معیشت کے فروغ کیلئے 3 ارب 50 کروڑ روپے کی سبسڈی منظور کرلی، راست پی ٹو مرچنٹ کیو آر کوڈ سے ہونے والی ادائیگی پر 0.5 فیصد سبسڈی ہوگی۔
سٹیٹ بینک آف پاکستان کے مطابق راست پی ٹومرچنٹ کیو آر کوڈ کے لین دین پر سبسڈی کی زیادہ سے زیادہ حد 100 روپے مقرر ہے۔
سبسڈی کی رقم مرچنٹ کے بینک اور صارف کے بینک کے درمیان برابر تقسیم ہوگی، حکومت سبسڈی کی رقم ہر تین ماہ بعد بینکوں کو ادا کرے گی۔
سٹیٹ بینک سرکلر کے مطابق سبسڈی کی کل مختص رقم 3.5 ارب روپے سے زیادہ ہونے پر شرح میں کمی کی جاسکتی ہے، سبسڈی پیکیج یکم ستمبر 2025ء سے 30 جون 2026ء تک لاگو رہے گا۔
