اسلام آباد:(دنیا نیوز) ٹیکس سال2025 کے انکم ٹیکس گوشوارے جمع کرانے کیلئے مزید 15دن کی مہلت مل گئی۔
ایف بی آر کی جانب سے جاری نوٹیفکیشن کے مطابق ٹیکس سال 2025 کے انکم ٹیکس گوشوارے جمع کرانے کی تاریخ میں مزید 15دن کی توسیع کردی گئی ہے، ہمارا IRIS پلیٹ فارم مکمل طور پر فعال ہے اور بخوبی کام کر رہا ہے ۔
دوسری جانب حکام کا کہنا تھا کہ ٹیکس گزار نئے متعارف کردہ سادہ انکم ٹیکس ریٹرن فارم کے ذریعے باآسانی اپنے ریٹرن فائل کر سکتے ہیں،آخری تاریخ تک ریٹرن فائل نہ کرنے والے لیٹ فائلر تصور ہوں گے اور ان پر قانون کے مطابق جرمانے عائد کیے جائیں گے۔
نوٹیفکیشن میں مزید بتایا گیا کہ تمام اہل ٹیکس گزار کسی بھی قانونی کاروائی سے بچنے کے لئے انکم ٹیکس ریٹرن جمع کرائیں، ٹیکس مقررہ تاریخ 15 اکتوبر تک واجب الادا ہے۔
