کراچی: (دنیا نیوز) سٹیٹ بینک آف پاکستان نے ستمبر 2025 کے ترسیلاتِ زر کے اعداد و شمار جاری کر دیئے۔
رپورٹ کے مطابق بیرون ملک مقیم پاکستانیوں نے ستمبر میں 3 ارب 20 کروڑ ڈالرز وطن بھجوائے جو گزشتہ سال کے اسی ماہ کے مقابلے میں 11.3 فیصد زیادہ ہیں۔
مرکزی بینک کے مطابق مالی سال 26-2025 کی پہلی سہ ماہی میں مجموعی ترسیلاتِ زر کا حجم 9 ارب 50 کروڑ ڈالرز ریکارڈ کیا گیا۔
اعداد و شمار کے مطابق سب سے زیادہ ترسیلات سعودی عرب سے موصول ہوئیں جن کی مالیت 75 کروڑ 9 لاکھ ڈالرز رہی، اس کے بعد متحدہ عرب امارات سے 67 کروڑ 71 لاکھ ڈالرز، برطانیہ سے 45 کروڑ 48 لاکھ ڈالرز اور امریکا سے 26 کروڑ 90 لاکھ ڈالرز موصول ہوئے۔
