پاکستان کے زرمبادلہ ذخائر میں اضافہ، اعداد و شمار جاری

کراچی: (دنیا نیوز) پاکستان کے زرمبادلہ ذخائر بڑھ گئے، سٹیٹ بینک آف پاکستان نے اعداد و شمار جاری کر دیئے۔

سٹیٹ بینک کے مطابق زرمبادلہ ذخائر ایک ہفتے میں 2 کروڑ 10 لاکھ ڈالر بڑھ گئے، زرمبادلہ ذخائر 14 ارب 38 کروڑ ڈالرسے بڑھ کر 14 ارب 40 کروڑ ڈالر ہوگئے۔

اعداد و شمار کے مطابق کمرشل بینکوں کے ذخائر ایک ہفتے میں 1 کروڑ 80 لاکھ ڈالر کم ہوگئے، کمرشل بینک ذخائر 5 ارب 41 کروڑ 4 لاکھ ڈالر سے گھٹ کر 5 ارب 39 کروڑ 60 لاکھ ڈالر پر آگئے۔

سٹیٹ بینک کے مطابق ملکی مجموعی زرمبادلہ ذخائر ایک ہفتے میں 30 لاکھ ڈالر بڑھ گئے، ملکی مجموعی ذخائر 19 ارب 79 کروڑ 30 لاکھ ڈالر سے بڑھ کر 19 ارب 79 کروڑ 70 لاکھ ڈالر ہوگئے۔