کراچی کے نیشنل اسٹیڈیم میں پاکستان اور ویسٹ انڈیز کے درمیان 3 ٹی ٹوئنٹی میچ یکم، دو اور تین اپریل کو کھیلے جائیں گے ، جس کے لیے ٹکٹوں کی فروخت 19 مارچ سے شروع ہوجائے گی۔شائقین کرکٹ کے لیے خوشخبری یہ ہے کہ پی سی بی نے ٹکٹوں کی قیمت میں نمایاں کمی کر دی ہے ، جو اس سے قبل پی ایس ایل میچز کے لیے رکھی گئی تھی۔
شائقین کو اب جنرل انکلوژر کا ٹکٹ ایک ہزار روپے کے بجائے 500 روپے میں دستیاب ہو گا، جب کہ سب سے مہنگا 12 ہزار روپے والا ٹکٹ 6 ہزار روپے میں ملے گا۔ اسی طرح 4 ہزار روپے میں فروخت ہونے والا ٹکٹ ویسٹ انڈیز کے خلاف سیریز میں 2 ہزار روپے اور 8 ہزار والا صرف 4 ہزار روپے میں دستیاب ہو گا۔ تینوں میچز کے ٹکٹس کوریئر کمپنی کی مختلف شاخوں پر دستیاب ہوں گے ، جب کہ آن لائن بھی ٹکٹ خریدے جا سکیں گے ۔
