شاہد آفریدی کے دفاع میں ڈی جی آئی ایس پی آر بھی میدان میں آ گئے

لاہور: (دنیا نیوز) شاہد آفریدی نے کشمیر ایشو پر ٹوئٹر پر لکھا کہ انڈیا کے زیر تسلط کشمیر کی صورتحال "ہولناک اور پریشان کن" ہے، اس چھکے نے توگویا سب کے چھکے ہی چھڑا دیئے، جس پر سابق بھارتی اوپنر گوتم گھمبیر نے اسے الفاظ کے چناؤ میں ذہنی طور پر پسماندہ کہا.

بھارت کے زیر انتظام کشمیر میں قابض بھارتی فوج نے اتوار کو فائرنگ کر کے 17 کشمیری نوجوانوں کو ہلاک کردیا تھا جس کے بعد مقبوضہ وادی میں دوسرے روز بھی ہڑتال جاری رہی جبکہ مختلف حصوں میں کرفیو بھی نافذ کردیا گیا۔اس بربریت پر دنیا بھر کے مسلمانوں نے بھرپور احتجاج کیا جس کے بعد قومی ٹیم کے سابق کپتان شاہد آفریدی بھی خاموش نہ رہ سکے اور انہوں نے اقوام متحدہ سمیت عالمی اداروں سے واقعے کا نوٹس لینے کا مطالبہ کیا۔

Appalling and worrisome situation ongoing in the Indian Occupied Kashmir.Innocents being shot down by oppressive regime to clamp voice of self determination & independence. Wonder where is the @UN & other int bodies & why aren t they making efforts to stop this bloodshed?

— Shahid Afridi (@SAfridiOfficial) April 3, 2018

آفریدی کے ٹوئٹ پر بھارتی عوام کی جانب سے بھی ردعمل سامنے آیا تو بھارتی کرکٹ ٹیم کے سابق کپتان گوتم گھمبیر نے بھی آفریدی کو اپنے ٹوئٹ میں شدید تنقید کا نشانہ بنایا ۔  گوتم نے لکھا،  شاہد آفریدی کی کشمیر اور اقوام متحدہ سے متعلق ٹوئیٹ پر کیا کہنے کو رہ جاتا ہے؟ آفریدی اقوام متحدہ کی طرف دیکھ رہے ہیں، جو ان کی ڈکشنری میں  انڈر 19  کے زمرے میں آتا ہے۔ میڈیا سکون سے رہے، شاہد آفریدی نو بال پر آؤٹ کا جشن منارہے ہیں ۔

 گوتم گھمبیر کی اس ٹوئیٹ کے بعد پاکستانی بھی شاہد آفریدی کے دفاع کو آگئے، حتیٰ کہ پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے بھی اپنے ذاتی اکاؤنٹ سے ٹوئیٹ کرکے گوتم گھمبیر اور بھارتیوں کو کرارا جواب دے ڈالا۔

And that’s how @SAfridiOfficial did... pic.twitter.com/uqaPdUVv4P

— Asif Ghafoor (@peaceforchange) April 3, 2018

  واضح رہے کہ یہ پہلا موقع نہیں کہ شاہد آفریدی اور گوتم گمبھیر آمنے سامنے آئے ہوں بلکہ اس سے قبل بھی کئی مواقعوں پر دونوں کھلاڑیوں کے درمیان تکرار ہو چکی ہے۔

کرکٹ لیجنڈز کے درمیان یہ لفظی جنگ دو ہزار سات کے دورہ بھارت میدان میں چھڑی جب کانپور ون ڈے میں گوتم گھمبیر رن لیتے ہوئے شاہد آفریدی سے ٹکرائے اس پر دونوں جیسے آپے سے باہر آئے۔