لاہور: (دنیا نیوز) پاکستان کرکٹ بورڈ کا بڑا اقدام، مکی آرتھر، گرانٹ فلاور، اظہر محمود سمیت تمام کوچنگ سٹاف فارغ کر دیا، چیئرمین پی سی بی احسان مانی نے کرکٹ کمیٹی کی سفارشات منظور کر لیں۔
ورلڈ کپ میں مایوس کن کرکردگی پر کرکٹ کمیٹی نے سرجوڑ لئے، پیش کردہ سفارشات منظور کرتے ہوئے مکی آرتھر، گرانٹ فلاور، اظہر محمود اورٹرینر گرانٹ لڈن کے معاہدے میں توسیع نہ کرنے کا فیصلہ کیا گیا ہے۔ ان عہدوں پر نئی تعیناتیوں کیلئے جلد اشتہار جاری کرنے کا فیصلہ کیا ہے۔
چئیرمین پی سی بی کہتے ہیں کہ کرکٹ کمیٹی نے قومی ٹیم کیلئے نئے کوچنگ سٹاف کی تیعناتی پر مکمل اتفاق کیا ہے۔ دوسری جانب کرکٹ بورڈ انتظامیہ نے سرفراز احمدکو ون ڈے اور ٹی ٹوئنٹی میں کپتان برقرار رکھنے اور اظہر علی کو ٹیسٹ کا کپتان بنانے کا فیصلہ کیا ہے جبکہ بابر اعظم تینوں فارمیٹس میں نائب کپتان ہوں گے۔
