لاہور: (ویب ڈیسک) جنوبی افریقی ڈیل سٹین کی ٹیسٹ کرکٹ سے ریٹائرمنٹ کے بعد پاکستانی آل راؤنڈر محمد حفیظ نے انہیں خراج تحسین پیش کرتے ہوئے تعریفوں کے پل باندھ دیئے۔
دو روز قبل ڈیل سٹین نے ٹیسٹ کرکٹ کو خیرباد کہہ دیا، انہوں نے 93 ٹیسٹ میچز میں 439 وکٹیں اپنے نام کیں جبکہ بیٹنگ میں انہوں نے 2 نصف سنچریوں کیساتھ 1251 رنز بنارکھے ہیں۔ سٹین کا حفیظ کیخلاف ریکارڈ شاندار رہا، 2007ء سے 2019ء کے دوران آل راﺅنڈر کو 26 میچز میں 14.93 کی اوسط سے 15 مرتبہ آﺅٹ کررکھا ہے ۔ پروٹیز پیسر نے 3مرتبہ پاکستانی بلے باز کو کھاتہ کھولنے کا موقع بھی نہیں دیا تھا۔
پاکستان کرکٹ ٹیم کے سینئر بیٹسمین اور آل راؤنڈر محمد حفیظ نے انہیں شاندار خراج تحسین پیش کرتے کیا۔ ٹویٹر پر پیغام میں ان کا کہنا تھا کہ اپنے کیرئیر میں پروٹیز باؤلر ڈیل سٹین سے زیادہ تیز اور جارح فاسٹ باﺅلر نہیں دیکھا۔
Congratulations @DaleSteyn62 on Great Test Career , Surly Fast & Aggressive Fast bowler I faced in my career , All the best for future Endeavours Mate , Best Wishes , Stay Blessed
— Mohammad Hafeez (@MHafeez22) August 6, 2019
ٹویٹر پر ٹویٹ میں انہوں نے جنوبی افریقی پیسر ڈیل سٹین کیلئے نیک خواہشات کا اظہار کیا۔
