کراچی: (ویب ڈیسک) پاکستان اور سری لنکا کے درمیان دوسرے ٹیسٹ میچ کے دوران شاہین شاہ اور محمد عباس کی شاندار باؤلنگ کے باعث مہمان ٹیم 271 رنز بنا کر آؤٹ ہو گئی جبکہ کرونارتنے الیون کو 80 رنز کی برتری حاصل ہوئی۔ پاکستان نے دوسری اننگز میں کھیل ختم ہونے تک 57 رنز بنا لیے ہیں۔
تفصیلات کے مطابق پاکستان اور سری لنکا کے درمیان دوسرے ٹیسٹ کا دوسرا روز شروع ہوا تو سری لنکن ٹیم نے تین وکٹوں کے نقصان پر 64 رنز پر اننگز دوبارہ شروع کی۔
Drinks Break!
— Pakistan Cricket (@TheRealPCB) December 20, 2019
Sri Lanka lead by 10 runs#PAKvSL LIVE: https://t.co/jFigEwJ4Bs + @TheRealPCB_Live pic.twitter.com/lgyP1QLepi
یاد رہے کہ پہلے روز قومی ٹیم کی بیٹنگ ناکام ہوئی تھی جسکے بعد اظہر الیون 191 رنز بنا سکی۔ کمارا، ایمبلڈینیا نے 4.4 وکٹیں حاصل کیں تھیں جبکہ قومی ٹیم نے مہمان ٹیم کے بھی تین کھلاڑی 64 رنز پر پویلین بھیج دیئے تھے۔
Tea Break Day Two!
— Pakistan Cricket (@TheRealPCB) December 20, 2019
Sri Lanka lead by 60 runs. #PAKvSL https://t.co/Pu8zcfFFsF pic.twitter.com/z8hT1YYeiG
آج جب اننگز کا آغاز ہوا تو سری لنکا کے سینئر بیٹسمین اینجلو میتھیوز اور ایمبلڈینیا بیٹنگ کرنے آئے، مہمان ٹیم کو چوتھا نقصان 78 کے مجموعی سکور پر اٹھانا پڑا جب ایمبلڈینیا 34 گیندوں پر 13 رنز بنا کر محمد عباس کی گیند پر محمد رضوان کو کیچ دے بیٹھے، میتھیوز کو 13 رنز پر شاہین شاہ آفریدی نے ٹھکانے لگا دیا۔
Fifer
— Pakistan Cricket (@TheRealPCB) December 20, 2019
All-out
Well bowled @iShaheenAfridi o/https://t.co/TRayYU2Xdd pic.twitter.com/MHtrnQxu19
اس کے بعد سابق کپتان اور سینئر بیٹسمین دنیش چندیمل نے مزاحمتی اننگز کھیلی اور ڈی سلوا کے ساتھ مل کر سکور کو آگے بڑھایا، دونوں کھلاڑیوں کے درمیان 67 رنز کی پارٹنر شپ بنی جس کا اختتام شاہین شاہ آفریدی نے کیا جبکہ محمد عباس نے کیچ تھاما۔
#PAKvSL LIVE: https://t.co/jFigEwJ4Bs + @TheRealPCB_Live pic.twitter.com/UlV92rkdcA
— Pakistan Cricket (@TheRealPCB) December 20, 2019
دنیش چندیمل نے وکٹ کیپر بیٹسمین ڈیکولا کیساتھ ملکر سکور آگے بڑھایا، تاہم محمد عباس کی شاندار گیند پر وکٹ کیپر بیٹسمین بولڈ ہو گئے، اس کے بعد پارٹ ٹائم سپنر حارث سہیل نے دنیش چندیمل کو 74 رنزپر آؤٹ کیا، بیٹسمین کا کیچ شان مسعود نے تھاما۔
حیران کن طور پر سپنر دلروان پریرا نے بھی شاندار بیٹنگ کی اور ٹیم کا سکور آگے بڑھایا، انہوں نے 48 رنز کی اننگز کھیلی جس کے باعث مہمان ٹیم سکور 271 تک لے گئی۔ دیگر بیٹسمینوں میں کمارا صفر پر بولڈ ہو گئے۔ شاہین شاہ آفریدی 5، محمد عباس نے چار وکٹیں حاصل کیں۔ حارث سہیل کے حصے میں ایک وکٹ آئی۔
Name on the board! #PAKvSL https://t.co/FrK9EFLWCc pic.twitter.com/fOEntPMXWX
— Pakistan Cricket (@TheRealPCB) December 20, 2019
پاکستان کی طرف سے دوسری اننگز کا آغاز اوپنر عابد علی اور شان مسعود نے کیا، دونوں کی طرف سے جارحانہ انداز اپنایا گیا۔ دونوں نے وکٹ کے چاروں اطراف شاندار شارٹس کھیلیں۔
Stumps Day Two!
— Pakistan Cricket (@TheRealPCB) December 20, 2019
Pakistan trail by 23 runs. #PAKvSL https://t.co/PBnWbLnnGd pic.twitter.com/HzSNplyslh
دوسری اننگز میں 14 اوورز کا کھیل ہی ہوا تھا کہ اس دوران موسم کی خرابی کے باعث میچ روک دیا گیا، پاکستان نے بغیر کسی نقصان کے 57 رنز بنا لیے ہیں جبکہ خسارے کو ختم کرنے کے لیے مزید 23 رنز درکار ہیں۔ عابد علی 32 جبکہ شان مسعود 21 رنز بنا کر کریز پر موجود ہیں۔
یاد رہے کہ پاکستان اور سری لنکا کے درمیان راولپنڈی میں کھیلا جانے والا پہلا ٹیسٹ بارش اور کم روشنی کے سبب ڈرا ہو گیا تھا، سری لنکا نے 306 رنز 6 وکٹوں کے نقصان پر اپنی اننگز ڈکلئیر کر دی تھی جس کے جواب میں پاکستان نے 2 وکٹوں کے نقصان پر 252 رنز بنائے تھے۔
