لاہور: (دنیا نیوز) قومی کرکٹ ٹیم کی دورہ برطانیہ میں ناکامیوں کے بعد پاکستان کرکٹ بورڈ میں تبدیلوں کے امکانات کی خبریں گردش کرنے لگی ہیں۔
ذرائع کے مطابق قومی کرکٹ ٹیم کے سابق کپتان شاہد آفریدی کی پاکستان کرکٹ بورڈ میں بڑی انٹری کی باز گشت شروع ہو گئی ہیں، ذرائع کا کہنا ہے کہ بوم بوم شاہد آفریدی اور حکومتی اہم شخصیات کے درمیان بات چیت ہوئی ہے۔
امکان ظاہر کیا جا رہا ہے کہ سابق کپتان شاہد آفریدی کو کرکٹ بورڈ میں اہم ترین ذمہ داری دی جا سکتی ہے۔
