لاہور: (ویب ڈیسک) پاکستان کرکٹ ٹیم کے سابق کپتان اور لیجنڈ فاسٹ باؤلر وسیم اکرم کراچی میں ساحل پر گندگی سے پریشان ہیں اور ایک بار پھر انہوں نے انتظامیہ کی توجہ اس جانب مبذول کرائی ہے۔
خیال رہے کہ شہر میں ہونے والی حالیہ مون سون بارشوں نے تباہی مچادی ہے اور بارشوں کے ایک ہفتے بعد بھی شہر کے کئی علاقوں میں پانی موجود ہے جب کہ شہر بھر میں سڑکیں ٹوٹ پھوٹ کا شکار ہیں اور ساتھ ہی سیوریج کا نظام بھی متاثر ہوا ہے۔
Wasim Akram is back in Karachi and he is not happy with the condition of sea view beach and hopes that it will be cleaned soon.
— Khel Shel (@khelshel) September 8, 2020
VC: @wasimakramlive #Cricket #Pakistan #WasimAkram #Karachi #Legend #SeaView #Beach pic.twitter.com/Auxf99h8RU
وسیم اکرم کا کہنا تھا کہ انگلینڈ جانے سے پہلے ساحل بالکل صاف تھا، شنیرا اور سب نے مل کرساحل کو صاف کیا تھا لیکن واپسی پر یہاں آنا مایوس کن ہے۔
یہ بھی پڑھیں: کوئی سیاسی ایجنڈا نہیں، کراچی کی فلاح کے بارے میں سوچتا ہوں: وسیم اکرم
انہوں نے کہا کہ میں امید کرتا ہوں کہ یہ گند بارش کی وجہ سے ہی مچی ہو اور یہ بھی امید کرتا ہوں کہ اسے جلد صاف کردیا جائے گا۔
اس سے قبل شنیرا اکرم نے بھی ساحل سمندر پر استعمال شدہ سرنج کی موجودگی پر انتظامیہ کی توجہ اس جانب مبذول کرائی تھی۔
Sending love to Karachi #StaySafeKarachi #KarachiSinks #KarachiUnderWater pic.twitter.com/Rm4M9szFna
— Wasim Akram (@wasimakramlive) August 27, 2020
خیال رہے کہ گزشتہ ماہ کی 27تاریخ کو پاکستان کرکٹ ٹیم کے لیجنڈ فاسٹ باؤلر وسیم اکرم اور ان کی اہلیہ شنیرا اکرم نے ٹویٹر پر ویڈیو پیغام میں کراچی کی عوام سے اظہار یکجہتی کیلئے پیار بھرا پیغام بھیجا تھا۔
