لاہور: (روزنامہ دنیا) پاکستان کرکٹ بورڈ نے کرکٹ کمیٹی کے چیئرمین کیلئے ناموں پر غور شروع کر دیا ہے اور آئندہ ہفتے چیئرمین کرکٹ کمیٹی کا اعلان متوقع ہے۔
ذرائع کے مطابق پی سی بی نے کرکٹ کمیٹی کے چیئرمین کیلئے ناموں پر غور شروع کر دیا ہے، اقبال قاسم کے مستعفی ہونے کے بعد چیئرمین کا عہدہ خالی ہے، چیئرمین کے عہدے کیلئے ظہیر عباس، انتخاب عالم اور سلیم یوسف کے ناموں پر غور کیا جا رہا ہے۔
پاکستان کرکٹ بورڈ ان کرکٹرز کے علاوہ بھی کئی نام زیرغور لا رہا ہے، پی سی بی 30 ستمبر کو نیشنل ٹی ٹونٹی کے آغاز سے قبل کمیٹی کا اجلاس بلانا چاہتا ہے۔ کرکٹ کمیٹی کے اجلاس میں پاکستان ٹیم کی دورہ انگلینڈ اور ہیڈ کوچ چیف سلیکٹر مصباح الحق کی کارکردگی پر بات ہو گی۔
