لاہور: (دنیا نیوز) جنوبی افریقا اور انٹرنیشنل کرکٹ کونسل (آئی سی سی) سکیورٹی ٹیم نے پنجاب سیف سٹیز اتھارٹی کا دورہ کیا۔ سکیورٹی ٹیم کوایم ڈی راوسردار علی خان اورسی او او محمدکامران خان نے سکیورٹی انتظامات بارے بریفنگ دی۔
بورڈ کوائیر پورٹ وسٹیڈیم روٹس،ہوٹلز،پارکنگ،پولیس فورس بارے بریفنگ دی گئی، جدید ٹیکنالوجی کے استعمال و قانون نافذ کرنے والے اداروں کے تعاون متعلق بھی بتایا گیا۔
سکیورٹی ٹیم کو پاکستان کا دودہ کرنے والی ٹیموں کو دی جانے والی سکیورٹی کی ویڈیو بھی دکھائی گئی سکیورٹی ٹیم نے شہر بھر کی کیمروں کی مدد سے مانیڑنگ کے عمل کا بھی جائزہ لیا۔
مہمان وفد پاکستان میں سکیورٹی انتظامات سے مطمئن نظر آئے، دورے کے اختتام پر پنجاب سیف سٹیز اتھارٹی کی جانب سے یادگاری شیلڈ بھی پیش کی گئی۔
