لاہور: (ویب ڈیسک) شاداب خان کے والدین نے اپنے بیٹے کی شادی کے لئے لڑکی ڈھونڈنا شروع کر دی ہے۔ اس بات کا انکشاف قومی کرکٹر کے سگے بھائی نے کیا ہے۔
تفصیل کے مطابق پتا نہیں یہ مذاق ہے یا حقیقت، لیکن قومی کرکٹر شاداب خان نے انکشاف کیا ہے کہ ان کے گھر والے ان کی شادی نہیں کرا رہے۔
اس بات کا انکشاف انہوں نے سماجی رابطوں کی ویب سائٹ ٹویٹر کے ذریعے اپنے مداحوں کے سوالوں کے جواب دیتے ہوئے کیا۔ انہوں نے ’آسک شاداب‘ کے ہیش ٹیگ کے ساتھ اپنے مداحوں کے سوالات کے دلچسپ جواب دیے۔
ایک مداح نے شاداب خان سے سوال پوچھا کہ آپ شادی کب کر رہے ہیں؟ اس کا جواب دیتے ہوئے ان کا کہنا تھا کہ ’گھر والے شادی نہیں کرواتے۔
Ghar walay nahi kerate #AskShadab https://t.co/4IGlWYwIfk
— Shadab Khan (@76Shadabkhan) May 31, 2021
صورتحال اس وقت دلچسپ ہوئی جب ایک اور صارف حریم نور نے شاداب خان کے بھائی کو ہی اس گفتگو میں ٹیک کر لیا اور ان سے ڈائریکٹ پوچھا کہ آپ لوگ کیوں نہیں کرواتے شاداب کی شادی؟
اس سوال کا آفتاب عزیز خان نے بھی دلچسپ جواب دیا اور لکھا کہ گھر والے شاداب خان کیلئے لڑکی ڈھونڈ رہے ہیں، جب لڑکی مل جائے گی تو شادی کر دیں گے۔
Larki dhond rheee hae , inshallah mill giii to kal kar sae gae
— Aftab aziz khan (@Aftabazizkhan3) May 31, 2021
ایک اور صارف نے شاداب خان سے پوچھا کہ آپ کھیل کے میدان میں اتنی زیادہ اوور ایکٹنگ کیوں کرتے ہیں؟ اس پر شاداب خان کا کہنا تھا کہ میں اوور ایکٹنگ نہیں صرف ایکٹنگ کرتا ہوں۔
بہترین دوست بارے پوچھے گئے سوال کا جواب دیتے ہوئے شاداب خان نے حسن علی اور فہیم اشرف کا نام لیا۔
مشکل ترین بلے باز کے بارے میں انہوں نے انڈین ٹیم کے اوپنر روہت شرما کا نام لیا۔
انہوں نے ایک سوال کے جواب میں بتایا کہ انھیں بھارتی بلے باز روہت شرما کو ہی آؤٹ کرکے سب سے زیادہ مزہ آتا ہے۔
