نئی دہلی: (ویب ڈیسک) بھارتی کرکٹ ٹیم کے لیجنڈ بیٹسمین سچن ٹنڈولکر سمیت دیگر سابق بھارتی کرکٹرز قومی ٹیم کے سابق چیف سلیکٹر انضمام الحق کی جلد صحت یابی کیلئے دعاگو ہیں۔
تفصیلات کے مطابق قومی ٹیم کے سابق کپتان انضمام الحق کو دل کا دورہ پڑنے کی خبر سامنے آنے کے بعد ملک اور بیرون ملک کے کرکٹ حلقوں کی جانب سے ان کی صحتیابی کی دعائیں اور جلد بحالی کی توقع ظاہر کی گئی ہے۔ سابق چیف سلیکٹر کو پیر کی رات دل کے دورے کی وجہ سے لاہور کے مقامی ہسپتال منتقل کیا گیا تھا۔
انضمام الحق کے منیجر نے بتایا تھا کہ انضمام کی لاہور کے نجی ہسپتال میں انجیوپلاسٹی کی گئی ہے اور اب ان کی صحت بہتر ہے تاہم ان کو ڈاکٹرز نے زیر نگرانی رکھا ہوا ہے۔
دوسری طرف ملکی اور غیر ملکی کرکٹرز کے ساتھ دیگر شعبہ ہائے زندگی سے تعلق رکھنے والی شخصیات نے انضمام الحق کی جلد اور مکمل صحت کے لیے نیک تمناؤں کا اظہار کیا ہے۔
سابق بھارتی لیجنڈ کرکٹر سچن ٹنڈولکر نے انضمام الحق کی جلد صحتیابی کی دعا کی تو توقع ظاہر کی کہ وہ اس صورتحال سے مزید مضبوط ہو کر سامنے آئیں گی۔
Wishing you a speedy recovery @Inzamam08. You ve always been calm yet competitive, and a fighter on the field.
— Sachin Tendulkar (@sachin_rt) September 28, 2021
I hope and pray that you ll come out stronger from this situation as well. Get well soon.
اپنی ٹویٹ میں انہوں نے سابق پاکستانی کپتان کو ’پرسکون مقابل اور فیلڈ میں فائٹر‘ بھی قرار دیا۔
سابق بھارتی کپتان اظہر الدین نے انضی بھائی کی صحت کی کیفیت پر تبصرے میں ان کی جلد صحتیابی کے لیے دعا کی۔
My heart goes out to Inzy Bhai who has undergone an angioplasty. By the grace of almighty Allah, I pray that he recovers soon. @Inzamam08
— Mohammed Azharuddin (@azharflicks) September 28, 2021
بھارتی کمنٹیٹر ہرشا بھوگلے بھی انضمام کی صحت کو لے کر فکرمند نظر آئے اور نیک تمناؤں کا اظہار کرتے ہوئے کہا کہ وہ امید کرتے ہیں کہ وہ برسہا برس تک ہمارے کھیل کا حصہ رہیں۔
Wishing Inzamam-ul-Haq all the very best, that he recovers completely and remains part of our game for many many years.
— Harsha Bhogle (@bhogleharsha) September 27, 2021
پاکستان تحریک انصاف کے سینیٹر فیصل جاوید خان بھی سابق کپتان کی صحت کے لیے دعا کرتے ہوئے نظر آئے اور لکھا کہ ’اللہ انہیں جلد صحت عطا فرمائے۔‘
Lots of prayers for Inzamam Bhai!!!
— Faisal Javed Khan (@FaisalJavedKhan) September 28, 2021
May ALLAH give him quick recovery.
Get well soon!! @Inzamam08
پاکستان کرکٹ بورڈ اور کرکٹ فینز سابق کپتان قومی کرکٹ ٹیم انضمام الحق کی جلد صحتیابی کے لیے دعاگو ہیں۔
— Pakistan Cricket (@TheRealPCB) September 28, 2021
پاکستان کرکٹ بورڈ نے بھی ٹویٹ میں کہا کہ پاکستان کرکٹ بورڈ اور کرکٹ فینز سابق کپتان قومی کرکٹ ٹیم انضمام الحق کی جلد صحتیابی کے لیے دعا گو ہیں۔
Prayers for the quick recovery of our legend and pride of Pakistan Syed Inzamam ul Haq. May Allah SWT give you complete shifa. @Inzamam08 #InzamamUlHaq
— Mohammad Rizwan (@iMRizwanPak) September 28, 2021
وکٹ کیپر بیٹسمین محمد رضوان نے ٹویٹ میں کہا کہ وہ فخر پاکستان اور لیجنڈ انضمام الحق کی صحت کے لیے دعا گو ہیں۔
