لاہور:(ویب ڈیسک) پاکستان سپر لیگ(پی ایس ایل) کے ساتویں ایڈیشن میں فخر زمان کی جارحانہ سنچری کی بدولت لاہور قلندرز نے کراچی کنگز کو 6 وکٹ سے مات دے دی۔
کراچی کے نیشنل سٹیڈیم میں کھیلے جارہے ایونٹ کے چھٹے میچ میں لاہور قلندرز کے کپتان شاہین شاہ آفریدی نے ٹاس جیت کر کراچی کنگز کے کپتان بابراعظم کو بیٹنگ کرنے کی دعوت دی تھی۔
لاہور قلندرز اننگز
So it’s @lahoreqalandars who take the game away tonight. Lots of exciting performances but it was @FakharZamanLive who single-handedly stole the show. #HBLPSL7 l #LevelHai l #KKvLQ pic.twitter.com/RTFjRUdKyS
— PakistanSuperLeague (@thePSLt20) January 30, 2022
171رنز ہدف کے تعاقب میں لاہور قلندرز کی جانب سے فخر زمان اور عبداللہ شفیق نے اننگز کا آغاز کیاجبکہ کراچی کنگز کے محمد نبی نے پہلا اوور کرایا۔
لاہور قلندرز نے 4 وکٹوں کے نقصان پر171 رنز کا ہدف 20ویں اوور میں حاصل کرلیا،عبداللہ شفیق8، کامران غلام 6 اور محمد حفیظ 24سکور بناکر آؤٹ ہوئے، فخر زمان نے جارحانہ اننگز کھیلتے ہوئے سنچری سکور کی اور 4 چھکوں، 12 چوکوں کی مدد سے 60 گیندوں پر 106 سکور بناکرعمید آصف کی گیند پر آؤٹ ہوئے،سمت پٹیل26 اور ڈیوڈ ویزے صفر پر ناٹ آؤٹ رہے، محمد نبی، محمد الیاس نے 1،1 اور عمید آصف نے 2 وکٹ حاصل کیں۔
60 گیندوں پر 106 رنز کی شاندار اننگز کھیلنے پر اوپننگ بیٹر فخر زمان کو میچ کا بہترین کھلاڑی قرار دیا گیا۔
کراچی کنگز اننگز
کراچی کنگز کی جانب سے کپتان بابر اعظم اور شرجیل خان نے اننگز کا آغاز کیا جبکہ لاہور قلندرز کے کپتان شاہین شاہ آفریدی نے پہلا اوور کرایا۔
میزبان ٹیم نے مقررہ 20 اوورز میں 7 وکٹ کے نقصان پر 170 رنز بنائے، شرجیل خان 3 چھکوں اور 8 چوکوں کی مدد سے 39 گیندوں پر 60 رنز کی جارحانہ اننگز کھیل کر محمد حفیظ کی گیند پر کلین بولڈ ہوگئے،کپتان بابر اعظم نے 41 سکور بنائے اور راشد خان کی گیند پر پویلین لوٹ گئے ۔
زمان خان نے 15 رنز پر محمد نبی کی اننگز کا خاتمہ کیا،عامر یامین 3، لوئس گریگوری 2 اور صاحبزادہ فرحان 8 اور عماد وسیم صفر پر آؤٹ ہوئے،جوکلارک 24 اور عمید آصف صفر پر ناٹ آؤٹ رہے،حارث رؤف نے سب سے زیادہ 3 وکٹیں حاصل کیں۔
لاہور قلندرز سکواڈ
Shaheen has won the toss for @lahoreqalandars and they will bowl first. The atmosphere is amazing at the NSK. Stay tuned! #HBLPSL7 l #LevelHai l #KKvLQ pic.twitter.com/f4l6Bh4vbk
— PakistanSuperLeague (@thePSLt20) January 30, 2022
سکواڈ میں کپتان شاہین شاہ آفریدی، فخر زمان، عبداللہ شفیق، محمد حفیظ، کامران غلام، بین ڈنک، سمت پٹیل، ڈیوڈ ویزے، راشد خان، حارث رؤف اور زمان خان شامل تھے۔
کراچی کنگز سکواڈ
سکواڈ میں کپتان بابراعظم، شرجیل خان، جو کلارک، محمد نبی، صاحبزادہ فرحان، لوئس گریگوری، عماد وسیم، عامر یامین، عمید آصف، محمد طہٰ خان اور محمد الیاس شامل تھے۔
قبل ازیں پہلے میچ میں اسلام آباد یونائیٹڈ نے پشاور زلمی کو 9 وکٹ کی شکست سے دوچار کیا۔
