لاہور:(ویب ڈیسک) پاکستان سپر لیگ (پی ایس ایل) کے ساتویں ایڈیشن کے دوسرے مرحلے کے میچ میں اعظم خان کا لاٹھی چارج بھی کسی کام نہ آیا اور اسلام آباد یونائیٹڈ کو پشاور زلمی نے شکست سے دوچار کردیا۔
لاہور کے قذافی سٹیڈیم میں پی ایس ایل7 کا دوسرا مرحلہ جاری ہے، ایونٹ کے 24 ویں میچ میں شاداب خان کی انجری کے باعث اسلام آباد یونائیٹڈ کی کپتانی آصف علی نے کی جبکہ پشاور زلمی کی قیادت وہاب ریاض کے سپرد تھی۔
We got to witness a lovely game of cricket, thanks to these sides. @PeshawarZalmi regained control and got the result they wanted. #HBLPSL7 l #LevelHai l #IUvPZ pic.twitter.com/HcSO10ZLNA
— PakistanSuperLeague (@thePSLt20) February 17, 2022
اسلام آباد یونائیٹڈ اننگز
پشاور زلمی کے 207 رنز ہدف کے تعاقب میں اسلام آباد یونائیٹڈ کی جانب سے رحمان اللہ گرباز نے اننگز کا آغاز جارحانہ انداز میں کیا اور 5 چھکوں، 3 چوکوں کی مدد سے 19 گیندوں پر 46 رنز بناکر پویلین لوٹے، مبصر خان نے 21، دانش عزیز نے صفر، لیام ڈاسن نے 4 کپتان آصف علی نے 11 اور فہیم اشرف نے 9 رنز کی اننگز کھیلی۔
وکٹ کیپر بیٹر اعظم خان نے دھواں دار اننگز کھیلتے ہوئے 7 چھکوں اور 6 چوکوں کی بدولت 44 گیندوں پر 85 رنز کی کی باری کھیلی اور وہاب ریاض کی گیند پر بین کٹنگ کو کیچ دے بیٹھے۔
سلمان ارشاد نے سب سے زیادہ 3 کھلاڑیوں کو پویلین کی راہ دکھائی جبکہ کپتان وہاب ریاض نے 2 وکٹ حاصل کیں، حسین طلعت اور بین کٹنگ نے 1،1 شکار کیا۔
اسلام آباد یونائیٹڈ کی ٹیم مقررہ 20 اوورز میں 7 وکٹ کے نقصان پر 196 رنز بناسکی۔
پشاور زلمی اننگز
The @PeshawarZalmi opened their innings in style, thanks to @iamharis63 and kept that momentum going. Big batting task ahead for @IsbUnited now. #HBLPSL7 l #LevelHai l #IUvPZ pic.twitter.com/xuLCKd6hnI
— PakistanSuperLeague (@thePSLt20) February 17, 2022
اسلام آباد یونائیٹڈ کے خلاف پشاور زلمی کی جانب سے حضرت اللہ زازائی اور محمد حارث نے اننگز کا آغاز کیا، نوجوان وکٹ کیپر بلے باز حارث نے جارحانہ بیٹنگ کا مظاہرہ کرتے ہوئے4 چھکوں اور 5 چوکوں کی بدولت صرف 18 گیندوں پر نصف سنچری سکور کی۔
حضرت اللہ زازائی 13، محمد حارث 70، یاسر خان 35، شعیب ملک 38، ردرفورڈ 16، لیام لیونگسٹون 9، بین کٹنگ اور کپتان وہاب ریاض صفر پر آؤٹ ہوئے جبکہ حسین طلعت 8 اور عثمان قادر 6 رنز کے ساتھ ناٹ آؤٹ رہے۔
اسلام آباد یونائیٹڈ کے آل راؤنڈر فہیم اشرف نے سب سے زیادہ 3 کھلاڑیوں کو پویلین کی راہ دکھائی، وقاص مقصود نے 2، مرچنٹ ڈی لینگ، لیام ڈاسن اور ظاہر خان نے 1،1 وکٹ اپنے نام کی۔
اس طرح پشاور زلمی کی ٹیم نے مقررہ 20 اوورز میں 8 وکٹ کے نقصان پر 206 رنز بنائے، محمد حارث کو میچ کا بہترین کھلاڑی قرار دیا گیا۔
اسلام آباد یونائیٹڈ سکواڈ
Zalmi have won the toss and put United to bowl first. #HBLPSL7 l #LevelHai l #IUvPZ pic.twitter.com/iw2geH6ttu
— PakistanSuperLeague (@thePSLt20) February 17, 2022
پشاور زلمی کے خلاف میچ کیلئے اسلام آباد یونائیٹڈ کے سکواڈ میں کپتان آصف علی، رحمان اللہ گرباز، مبصر خان، دانش عزیز، لیام ڈٓاسن، اعظم خان، فہیم اشرف، وقاص مقصود، محمد موسیٰ، ڈی لینگ اور ظاہر خان شامل تھے۔
پشاور زلمی سکواڈ
اسلام آباد یونائیٹڈ کے خلاف میچ کیلئے پشاور زلمی کے سکواڈ میں کپتان وہاب ریاض، حضرت اللہ زازائی، محمد حارث، شعیب ملک، حسین طلعت، لیام لیونگسٹون، شیرفین ردرفورڈ، بین کٹنگ، سلمان ارشاد، عثمان قادر اور یاسر خان شامل تھے۔
