لاہور: (ویب ڈیسک) پاکستان سپر لیگ (پی ایس ایل) میں پشاور زلمی کے کپتان وہاب ریاض نے بڑا اعزاز اپنے نام کر لیا۔
پاکستان سپر لیگ(پی ایس ایل)7 میں پشاور زلمی کے کپتان وہاب ریاض نے پی ایس ایل میں وکٹوں کی سنچری مکمل کرلی اس طرح وہ پی ایس ایل میں 100 وکٹیں لینے والے پہلے باؤلر بن گئے۔
پشاور زلمی کےکپتان وہاب ریاض نے اپنے پی ایس ایل کے 75 ویں میچ میں وکٹوں کی سنچری مکمل کی۔
اسلام آباد یونائیٹڈ اور پشاور زلمی کے درمیان ہونے والے میچ میں اسلام آباد یونائیٹڈ کے بلے باز دانش عزیز پی ایس ایل میں وہاب ریاض کا 100 واں شکار بنے۔
Peshawar Zalmi captain @WahabViki becomes the first player to take 100 wickets in the PSL! #PSL2022
— ESPNcricinfo (@ESPNcricinfo) February 17, 2022
اگر دیگر باؤلرز کی بات کی جائے تو اس فہرست میں اسلام آباد یونائیٹڈ کے حسن علی 78 وکٹوں کے ساتھ دوسرے، شاداب خان 63 وکٹوں کے ساتھ تیسرے، کوئٹہ گلیڈی ایٹرز کے محمد نواز 61 وکٹوں کے ساتھ چوتھے نمبر پر ہیں۔
دیگر باؤلرز میں شاہین آفریدی61، فہیم اشرف 60، سہیل تنویر 55، محمد عامر 54، عمران طاہر 50، شاہد آفریدی 47، عمید آصف 44، محمد عرفان 43، محمد سمیع 42، حارث رؤف 41 وکٹیں حاصل کر چکے ہیں۔
