اسلام آباد: (ویب ڈیسک) مہمان انگلش کھاڑیوں کے لیے ہوٹل میں مکمل انتظام کیا گیا ہے جبکہ ان کو باہر سے کچھ منگوانے کی اجازت نہیں ہو گی۔
تفصیلات کے مطابق پاکستان میں ٹیسٹ سیریز کھیلنے کیلئے آئی انگلینڈ کی ٹیم کے کھلاڑیوں نے سکیورٹی انتظامات پر مکمل اعتماد کا اظہار کیا ہے۔
ذرائع کے مطابق انگلینڈ ٹیسٹ اسکواڈ کو ہوٹل میں ہی مختلف سرگرمیاں کرنے کا موقع دیا جائے گا، مہمان کھاڑیوں کے لیے ہوٹل میں منی گالف کا انتظام کیا گیا ہے جب کہ بین سٹوکس اپنے ساتھ اپنی پسندیدہ ویڈیو گیمز لائے ہیں۔
ذرائع کا کہا ہے کہ انگلینڈ ٹیسٹ سکواڈ کے متعدد کھلاڑیوں کو ویڈیو گیمز کا شوق ہے، زیک کرالی اپنے ساتھ پسندیدہ کارڈز کی گیم لائے ہیں جبکہ کیٹن جیننگز کافی کے شوقین ہیں اور وہ کافی مشین ہمراہ لائے ہیں۔
ذرائع نے مزید بتایا ہے کہ مہمان کھلاڑیوں کو سکیورٹی ببل سے باہر جانے کی اجازت نہیں، مہمان کھلاڑی باہر سے کچھ نہیں منگوا سکتے، چیف سکیورٹی ببل میں پسندیدہ پکوان مہیا کرے گا، انگلینڈ ٹیسٹ سکواڈ کے ہمراہ شیف بھی آیا ہے۔
