کراچی: (ویب ڈیسک) انگلش باؤلر مارک ووڈ نے شعیب اختر کو دلچسب جواب دیتے ہوئے کہا کہ میں کمزور ہوں، ٹرک نہیں کھینچ سکتا۔
سابق پاکستانی باؤلر شعیب اختر نے ایک انٹرویو میں انگلش باؤلر مارک ووڈ کو باؤلنگ کی رفتار بڑھانے کیلئے ٹرک کھینچنے کا مشورہ دیا تھا۔ ان کا مزید کہنا تھا کہ اگر مارک وڈ سوچ رہے ہیں کہ وہ 155 کلومیٹر فی گھنٹہ کی رفتار سے گیند نہیں کرسکتے تو وہ بلکل غلط ہیں۔
یہاں شعیب اختر نے اپنی مثال دیتے ہوئے کہ میں گیند کو اس کے وزن سے چار گنا بھاری کر دیتا تھا اور وزن اٹھا کر ٹریننگ کیا کرتا تھا۔
انگلش باؤلر مارک ووڈ نے شعیب اختر کے بیان پر تبصرہ کرتے ہوئے کہا انہیں (شعیب کو) نہیں پتہ کہ میں کتنا کمزور ہوں۔ میں ٹرک نہیں کھینچ سکتا۔ شعیب اختر کی تعریف کرتے ہوئے انہوں نے کہا کہ مجھے ایک بڑے بولر کی نقل کرنا اچھا لگتا ہے۔
پاکستانی عوام کی تعریف کرتے ہوئے مارک ووڈ نے کہا کہ یہاں کا کراؤڈ بہترین رہا اور مجھے شعیب اختر کی طرح کی فاسٹ بولنگ سے محبت ہے۔ واضح رہے پاکستان اور انگلینڈ کی ٹیسٹ سیریز کا تیسرا میچ 17 دسمبر سے کراچی میں شروع ہو گا۔
Mark Wood on emulating @shoaib100mph in Multan, and his advice to ‘pull trucks’ to bowl over 100mph pic.twitter.com/MBj4ktTYOx
— ESPNcricinfo (@ESPNcricinfo) December 13, 2022
