لاہور: (دنیا نیوز) پاکستان کرکٹ بورڈ نے رمیز راجا کی جانب سے چیئرمین پی سی بی مینجمنٹ کمیٹی نجم سیٹھی کے خلاف لگائے گئے الزامات کی تردید کردی۔
پی سی بی کا کہنا ہے کہ سابق چیئرمین رمیز راجا کا اپنے اور موجودہ چیئرمین نجم سیٹھی کے سابقہ دور کے اخراجات کے بارے میں موازنہ گمراہ کن اور غلط ہے۔موجودہ چیئرمین کے تمام سفری اخراجات متعلقہ حکام کی منظوری سے کیے جاتے تھے جس کا باقاعدہ آڈٹ کیا گیا تھا۔
پی سی بی کا رمیز راجہ کی جانب سے چیئرمین پی سی بی مینجمنٹ کمیٹی نجم سیٹھی کے خلاف بیانات پر مایوسی کا اظہار
— PCB Media (@TheRealPCBMedia) December 28, 2022
مکمل اعلامیہ پڑھیں: https://t.co/lMCLSvits2 pic.twitter.com/8AItLJhSYo
پاکستان کرکٹ بورڈ نے کہا کہ سابق چیئر مین رمیز راجا کے ان بیانات کا مقصد موجودہ چیئرمین نجم سیٹھی کی ساکھ کو نقصان پہنچانا ہے۔ اپنے چیئرمین اور ادارے کی ساکھ کے دفاع اور تحفظ کے لیے قانونی کارروائی کا حق محفوظ رکھتے ہیں۔
یہ بھی پڑھیں: نجم سیٹھی کا کرکٹ سے لینا دینا نہیں، بطور چیئرمین مدت پوری ہونی چاہیئے تھی: رمیز راجہ
کرکٹ بورڈ کا کہنا تھا کہ نجم سیٹھی پنجاب کے سابق وزیراعلیٰ تھے، کاؤنٹر ٹیررازم ڈیپارٹمنٹ کی جانب سے انہیں باقاعدہ ایڈوائزری جاری کی گئی تھی، لہٰذا ان کے سیکورٹی اخراجات زیادہ تھے۔انہوں نے نے یو اے ای کے متعدد دوروں کے باوجود کبھی بھی پی ایس ایل الاونس وصول نہیں کیا،ان کو گاڑی کا الاؤنس بھی بورڈ آف گورنر کی منظوری کے مطابق ادا کیا گیا تھا۔
یہ بھی پڑھیں: پی سی بی معاملات چلانے کیلئے کمیٹی تشکیل، نجم سیٹھی سربراہ، شاہد آفریدی ممبر
پی سی بی نے مزید کہا کہ نجم سیٹھی کے برعکس رمیز راجا کو ایک نئی گاڑی فراہم کی گئی جس کی مالیت ایک کروڑ 65 لاکھ روپے تھی۔
