سڈنی: (ویب ڈیسک) بگ بیش لیگ میں برسبین ہیٹ کے مائیکل نیسر نے ناقابل یقین کیچ لے کر سب کو حیران کر دیا۔
آسٹریلوی کرکٹر مائیکل نیسر نے باؤنڈری لائن کے باہر گیند کو ٹچ کرتے وقت اپنے پاؤں زمین پر نہ لگنے دیے، ہوا میں اچھل کر گیند کو فیلڈ میں واپس لائے اور پھرتی سے کیچ پکڑ لیا، فیلڈنگ کے اس شاندار مظاہرے کے باوجود شائقین اور ماہرین اس کیچ پر سوالات اٹھا رہے ہیں۔
Out or not out?
— ESPNcricinfo (@ESPNcricinfo) January 1, 2023
(via @BBL) pic.twitter.com/j2VkbU6j6h
فیلڈنگ کے دوران مائیکل نیسر باؤنڈری پر کیچ لینے کے بعد گیند کو ہوا میں اچھال دیتے ہیں جسے وہ باؤنڈری کے باہر جاکر پیروں کو زمین پر لگائے بغیر ایک پار پھر کیچ کرتے ہیں اور واپس فیلڈ کی طرف گیند کو اچھالتے ہیں، بعد میں وہ پھرتی سے واپس باؤنڈری کے اندر آکر کیچ کر لیتے ہیں۔
اس حیران کن کیچ نے بیٹسمین کیساتھ کمنٹیٹرز کو بھی حیران کر دیا جسے امپائرز نے کرکٹ قوانین کے مطابق آؤٹ قرار دیا، کرکٹ قوانین کے مطابق باؤنڈری لائن پر کیچ پکڑنے کے دوران اگر فیلڈر باؤنڈری لائن کے باہر بھی چلا جائے لیکن اسکے پاؤں کا گیند کی ہاتھوں میں موجودگی کے ساتھ زمین سے رابطہ قائم نہیں ہوتا تو اس صورت میں کیچ کو درست مانا جائے گا اور بیٹسمین آؤٹ ہو جائیگا۔
