ہرارے: (ویب ڈیسک) آئی سی سی ورلڈ کپ کوالیفائر میں نیدلینڈز نے سپر اوور میں ویسٹ انڈیز کو شکست دیدی۔
زمبابوے کے شہر ہرارے میں ہونیوالے آئی سی سی ورلڈ کوالیفائر کے اٹھارویں میچ میں نیدرلینڈز نے ٹاس جیت کر پہلے فیلڈنگ کا فیصلہ کیا، ویسٹ انڈیز نے پہلے کھیلتے ہوئے مقررہ 50 اوورز میں 6 کھلاڑیوں کے نقصان پر 374 رنز بنائے۔
— ICC (@ICC) June 26, 2023
ویسٹ انڈیز کی جانب سے نکولس پوران 104 رنز کی ناقابل شکست اننگز کھیلی، برینڈن کنگ 76 جبکہ جانسن چارلس 54 رنز کی اننگز کھیل کر نمایاں رہے۔
375 رنز کے ہدف کے تعاقب میں نیدرلینڈز نے شاندار کھیل کا مظاہرہ کرتے ہوئے آخری کھلاڑی نے میچ کی آخری گیند پر سکور برابر کرکے میچ کو سپر اوور میں لے گئے۔
— ICC (@ICC) June 26, 2023
سپر اوور میں نیدرلینڈز کے بلے باز لوگن وین بیک نے 6 گیندوں پر 3 چھکوں اور3 چوکوں کی مدد سے 30 رنز بنا ڈالے ہدف کے تعاقب میں ویسٹ انڈیز کے دو بلے باز مخص 8 سکور بناکر آؤٹ ہوگئے۔
نیدرلینڈز کے بلے باز لوگن وین بیک سپر اوور میں شاندار اننگز کھلینے پر پیلئر آف دی میچ قرار پائے۔
