لاہور: (ویب ڈیسک) پاکستان کرکٹ بورڈ نے مزید 5 کرکٹرز کو سینٹرل کنٹریکٹ دے دیا۔
پی سی بی کے مطابق سپنر ابرار احمد اور نعمان علی کو ’سی کیٹیگری‘ جبکہ طیب طاہر ، عامر جمال اور ارشد اقبال کو ’ڈی کیٹیگری‘ میں شامل کر لیا گیا ہے، اس کے علاوہ سابق کپتان سرفراز احمد کی کیٹیگری میں تبدیل کرتے ہوئے انہیں’ڈی‘ سے ’بی‘ کیٹیگری میں ترقی دے دی گئی ہے۔
— Pakistan Cricket (@TheRealPCB) October 20, 2023
اس سے قبل اعلان کیے گئے سینٹرل کنٹریکٹ میں شامل 25 کھلاڑیوں کی فہرست کی منظوری سابق چیئرمین نجم سیٹھی کے دور میں دی گئی تاہم ذکا اشرف کی سربراہی میں قائم منیجمنٹ کمیٹی نے از سر نو جائزہ لیا جس کے بعد مزید 5 کرکٹرز کو سینٹرل کنٹریکٹ دیا گیا۔
