لکھنؤ: (دنیا نیوز) آئی سی سی کرکٹ ورلڈ کپ کے 19ویں میچ میں سری لنکا کی ٹیم نے نیدر لینڈز کو 5 وکٹوں سے شکست دے کر ایونٹ کی پہلی کامیابی حاصل کر لی۔
لکھنؤ کے اکانا سپورٹس سٹی میں کھیلے گئے میچ میں نیدر لینڈز نے ٹاس جیت کر بیٹنگ کا فیصلہ کیا، نیدر لینڈز کی ٹیم نے سری لنکا کو 263 رنز کا ہدف دیا جسے لنکن ٹیم نے 49ویں اوور میں 5 وکٹوں کے نقصان پر حاصل کر لیا۔
— ICC (@ICC) October 21, 2023
سری لنکا کی جانب سے سدیرا سماراوکراما ناقابل شکست 91 رنز کے ساتھ نمایاں بلے باز رہے جبکہ پاتھم نسانکا نے 54 اور چارتھ اسالنکا نے 44 رنز کی اننگز کھیلی۔
— ICC (@ICC) October 21, 2023
نیدر لینڈز کی جانب سے آریان دت نے سب سے زیادہ 3 وکٹیں حاصل کیں جبکہ پاؤل وین میکرین اور کولن ایکرمن نے ایک، ایک کھلاڑی کو آؤٹ کیا۔
نیدرلینڈز کی اننگز
نیدرلینڈز کی ٹیم 50ویں اوور میں 262 کے مجموعی سکور پر آل آؤٹ ہوگئی، سائبرینڈ اینجل بریکٹ 70 رنز بناکر ٹاپ سکورر رہے جبکہ لوگن وین بیک نے 59 رنز کی اننگز کھیلی۔
سری لنکا کی جانب سے دلشان مدھوشانکا اور کاسون راجیتھا نے چار، چار وکٹیں حاصل کیں جبکہ مہیش ٹھیکشانہ ایک کھلاڑی کو آؤٹ کرنے میں کامیاب رہے۔
— Sri Lanka Cricket (@OfficialSLC) October 21, 2023
واضح رہے کہ دونوں ٹیموں نے ورلڈ کپ میں 4، 4 میچز کھیل لیے ہیں جن میں سے تین، تین میں ناکامی اور ایک، ایک میں فتح حاصل کی۔
