میلبرن: (ویب ڈیسک) آسٹریلوی کرکٹر مچل سٹارک نے ٹخنے کی انجری کو چیمپئنز ٹرافی سے دستبرداری کی وجہ قرار دے دیا۔
مچل سٹارک نے کچھ ذاتی وجوہات کو بھی دستبرداری کی وجہ قرار دیتے ہوئے کہا کہ چیمپئنز ٹرافی نہ کھیلنے کی کئی وجوہات تھیں، ان میں کچھ ذاتی تھیں اور میرے ٹخنے میں بھی مسلسل درد تھا، میں اسے آرام دینا چاہتا تھا۔
سٹارک نے کہا کہ ابھی جلد بھارتی لیگ بھی شروع ہونے والی ہے لیکن سب سے بڑھ کر ٹیسٹ چیمپئن شپ کا فائنل ہے، میں اپنی باڈی کو فائنل ٹیسٹ کے لیے تیار رکھنا چاہتا ہوں، اگلے 2 ماہ میں کچھ کرکٹ کھیلوں گا تو پھر ٹیسٹ فائنل کے لیے تیار ہوں گا۔
واضح رہے کہ کرکٹ آسٹریلیا کے چیمپئنز ٹرافی سکواڈ سے فاسٹ باؤلر مچل سٹارک دستبردار ہوگئے تھے۔
