سڈنی: (ویب ڈیسک) پاکستان کے سابق انٹرنیشنل کرکٹر عثمان قادر نے کہا ہے کہ آسٹریلیا منتقلی کے بعد معاملات کنٹرول میں ہیں، جلد یہاں ڈومیسٹک کرکٹ کھیلتا دکھائی دوں گا۔
میڈیا سے گفتگو کے دوران عثمان قادر نے کہا ہے کہ میں اپنے اور اپنی فیملی کے بہتر مستقبل کے لیے آسٹریلیا منتقل ہوا، سب کچھ پلان کے ساتھ آگے بڑھ رہا ہے۔
عثمان قادر کا کہنا ہے کہ میرے والد کی خواہش تھی کہ میں پاکستان کی طرف سے کھیلوں تاہم میں آسٹریلیا کی طرف سے کھیلتا ہوں یا نہیں لیکن میں اپنا پورا زور لگاؤں گا۔
واضح رہے کہ ماضی کے عظیم لیگ سپنر عبدالقادر کے بیٹے اور پاکستان کے سابق انٹر نیشنل کرکٹر عثمان قادر آسٹریلیا میں قسمت آزما رہے ہیں۔
