لاہور: (دنیا نیوز) پاکستان کرکٹ بورڈ (پی سی بی) نے سابق کپتان بابر اعظم سمیت کئی قومی کرکٹرز کو این او سی دے دیا۔
پی سی بی اعلامیے کے مطابق بابر اعظم کو بگ بیش لیگ کے لیے 14 دسمبر تا 28 جنوری کے لیے این او سی جاری کیا گیا ہے، فاسٹ باؤلر شاہین آفریدی اور محمد رضوان کو بھی اسی دورانیے کے لیے این او سی جاری ہوا ہے۔
اعلامیے کے مطابق فاسٹ باؤلر محمد عامر کو ایسیکس کاؤنٹی کے لیے 18 جولائی تک، شان مسعود کو لیسٹر شائر کے لیے یکم ستمبر تک، حسن علی کو وارکشائر کاؤنٹی کے لیے 30 ستمبر تک کا این او سی جاری کیا گیا ہے۔
پی سی بی کے اعلامیے میں کہا گیا ہے کہ کاشف علی اور محمد عباس کو کینٹ کاؤنٹی کرکٹ کلب کے لیے 2 جولائی، خرم شہزاد کو 27 ستمبر تک کے لیے این او سی ملا۔
پی سی بی اعلامیے کے مطابق محمد نواز کو گیانا سپر لیگ، سی پی ایل، خواجہ نافع کو گلوبل سپر لیگ، محمد حسان خان کو سی پی ایل جبکہ حارث رؤف کو میجر لیگ کرکٹ کے لیے این او سی دیا گیا ہے۔
