ڈھاکا: (دنیا نیوز) تیسرے اور آخری ٹی 20 میچ میں پاکستان نے بنگلادیش کو 74 رنز سے شکست دیدی تاہم بنگلادیش نے سیریز دو ایک سے اپنے نام کرلی۔
شاہینوں کی جانب سے 179 رنز کے ہدف کے تعاقب میں بنگلادیش کی ٹیم 104 رنز بنا سکی، بنگلادیش کے سیف الدین 35 رنز کیساتھ نمایاں رہے۔
قبل ازیں میرپور کے شیر بنگلا کرکٹ سٹیڈیم میں ہونیوالی ٹی 20 سیریز کے تیسرے اور آخری میچ میں میزبان ٹیم کے کپتان لٹن داس نے ٹاس جیت کر مہمان ٹیم کے کپتان سلمان علی آغا کو بیٹنگ کی دعوت دی ہے۔
پہلے بیٹنگ کرتے ہوئے پاکستان نے مقررہ 20 اوورز میں 7 وکٹوں کے نقصان پر 178 رنز بنائے، صاحبزادہ فرحان 63 رنز کیساتھ نمایاں رہے۔
مہمان ٹیم کی جانب سے صائم ایوب نے 21، محمد حارث نے 5، حسن نواز نے 33، حسین طلعت نے ایک ، محمد نواز نے 27 اور فہیم اشرف نے 4 رنز کی اننگز کھیلی جبکہ کپتان سلمان علی آغا 12 رنز کیساتھ ناقابل شکست رہے۔
واضح رہے کہ میزبان ٹیم نے 3 میچوں کی سیریز کو دو ایک سے اپنے نام کرلیا ہے۔
