کرائسٹ چرچ: (دنیا نیوز) نیوزی لینڈ کرکٹ ٹیم کو ہوم سیزن سے قبل بڑا دھچکا لگ گیا، مچل سینٹنر، گلین فلپس، فن ایلن اور ول اورورکی آسٹریلیا کے خلاف ٹی 20 سیریز سے باہر ہو گئے۔
نیوزی لینڈ کرکٹ کا کہنا ہے کہ فاسٹ بولر ول اورورکی کے سکین میں کمر کا سٹریس فریکچر سامنے آیا ہے، ول او رورکی کم از کم 3 ماہ کے لیے کرکٹ سے باہر ہو گئے ہیں، وہ اب 3 ماہ سٹرینتھ اینڈ کنڈیشننگ پر کام کریں گے۔
ول اورورکی آسٹریلیا سمیت انگلینڈ اور ویسٹ انڈیز کے خلاف سیریز سے بھی باہر ہو گئے ہیں۔
دوسری جانب گلین فلپس اور فن ایلن بھی آسٹریلیا کے خلاف چیپل ہیڈلی سیریز سے باہر ہو گئے ہیں، گلین فلپس گروئن انجری کا شکار ہیں، انہیں ری ہیب کی ضرورت ہے جبکہ فن ایلن کے پاؤں کی سرجری ہوئی ہے وہ 3 ماہ ایکشن سے دور رہیں گے۔
دوسری جانب نیوزی لینڈ وائٹ بال ٹیم کے کپتان مچل سینٹنر گروئن میں تکلیف کے باعث دی ہنڈرد لیگ چھوڑ کر وطن واپس آ چکے ہیں، ان کے پیٹ کی سرجری بھی ہے، ری کوری میں ایک ماہ درکار ہے۔
یاد رہے کہ آسٹریلیا اور نیوزی لینڈ کے درمیان چیپل ہیڈلی ٹی ٹوئنٹی سیریز یکم سے 4 اکتوبر تک کھیلی جائے گی۔
