لندن: (ویب ڈیسک) قومی کرکٹ ٹیم کے اوپننگ بلے باز امام الحق نے انگلش ون ڈے کپ میں ایک اور سنچری بنا ڈالی۔
امام الحق کی عمدہ بیٹنگ کی بدولت یارکشائر نے 6 وکٹ سے کامیابی حاصل کرکے ہوم سیمی فائنل یقینی بنالیا، اوپنر بلے باز نے 105 گیندوں پر 106 رنز بنائے، ان کی اننگز میں 10 چوکے اور 3 چھکے شامل تھے۔
واضح رہے کہ یہ امام الحق کی رواں سیزن کی 6 اننگز میں تیسری سنچری ہے، وہ دو نصف سنچریاں بھی سکور کرچکے ہیں، امام الحق ون ڈے کپ کی 6 اننگز میں 102.60 کی اوسط سے 513 رنز بناچکے ہیں۔
