بلاوائیو: (ویب ڈیسک) زمبابوے کے وکٹ کیپر بلے باز برینڈن ٹیلر 4 سال بعد ون ڈے کرکٹ میں واپسی کے لیے تیار ہیں۔
برینڈن ٹیلر کی آئی سی سی کے انسداد بدعنوانی قانون کی خلاف ورزی کیے جانے پر عائد پابندی ختم ہونے کے بعد راوں ماہ کے آغاز میں انٹرنیشنل کرکٹ میں واپسی ہوئی تھی۔
انہوں نے نیوزی لینڈ کے خلاف دوسرے ٹیسٹ میں ٹیم کی نمائندگی کی تھی، برینڈن ٹیلر کو اب سری لنکا کے خلاف ون ڈے سیریز کے لیے 16 رکنی سکواڈ میں شامل کیا گیا ہے۔
انہوں نے آخری ون ڈے میچ ستمبر 2021 میں آئرلینڈ کے خلاف کھیلا تھا، زمبابوے نے 29 اور 31 اگست کو ہرارے میں ہونے والے دو ون ڈے میچز کی سیریز کے لیے کریگ ایرون کی قیادت میں 16 رکنی سکواڈ کا اعلان کیا ہے۔
سکواڈ
کریگ ایرون (کپتان)، برائن بینیٹ، جوناتھن کیمبل، بین کرن، بریڈ ایونز، ٹریور گوانڈو، ویسلی مادھویرے، کلائیو مڈانڈے، ارنسٹ ماسوکو، ٹونی مونیونگا، بلیسنگ مزربانی، رچرڈ نگروا، نیومین نیاموری، سکندر رضا، برینڈن ٹیلر اور شان ولیمز زمبابوے کے سکواڈ کا حصہ ہیں۔
