پشاور: (دنیا نیوز) پشاور زلمی اور خیبر پختونخوا حکومت کے اشتراک سے 30 اگست کو ’عمران خان کرکٹ سٹیڈیم پشاور‘ میں منعقد کیے جانے والے فلڈ ریلیف نمائشی کرکٹ میچ کے لیے سپر سٹارز کھلاڑیوں کے ناموں کا اعلان کر دیا گیا۔
میچ میں شاہد آفریدی، یونس خان، انضمام الحق، راشد لطیف، وقار یونس، اظہر محمود، سعید اجمل، شعیب اختر اور بابر اعظم ان ایکشن ہوں گے۔
دیگر کھلاڑیوں میں محمد حفیظ، صہیب مقصود، یاسر شاہ، عمید آصف، اظہر علی، عمران فرحت، ہمایوں فرحت، احسان اللہ، یاسر حمید، کامران غلام، عبد الرحمٰن، محمد عرفان، معاذ صداقت، ذوالفقار بابر اور محمد سلمان شامل ہیں۔
پشاور زلمی اور لیجنڈز الیون کے درمیان نمائشی میچ 30 اگست کو عمران خان کرکٹ سٹیڈیم پشاور میں کھیلا جائے گا، میچ کی آمدنی خیبر پختونخوا کے سیلاب متاثرین کو دی جائے گی۔
چیئرمین پشاور زلمی جاوید آفریدی کے مطابق سیلاب متاثرین کے لیے پشاور زلمی ہر ممکن کوشش بروئے کار لائے گی۔
