اسلام آباد: (دنیا نیوز) این ڈی ایم اے نے مون سون بارشوں سے ہونے والے نقصانات کی رپورٹ جاری کر دی۔
رپورٹ کے مطابق گزشتہ 24 گھنٹے میں ملک بھر میں 14 افراد جان کی بازی ہار گئے جبکہ پنجاب میں 13 افراد جاں بحق ہوئے۔
این ڈی ایم اے کے مطابق سیالکوٹ میں 5 ، گجرات میں 4، وزیر آباد میں 1 اور نارووال میں 3 افراد جاں بحق ہوئے جبکہ آزاد کشمیر میں ایک شخص جان کی بازی ہار گیا۔
رپورٹ کے مطابق گزشتہ 24 گھنٹے میں پنجاب میں 1، خیبر پختونخوا میں 3 افراد زخمی ہوئے، 26 جون سے اب تک مجموعی طور پر 819 افراد جاں بحق جبکہ 1111 زخمی ہوئے۔
این ڈی ایم اے کے مطابق 26 جون سے اب تک پنجاب میں افراد 182 جاں بحق جبکہ 594 زخمی ہوئے، خیبرپختونخوا میں 479 افراد جاں بحق جبکہ 350 زخمی ہوئے۔
رپورٹ کے مطابق 26 جون سے اب تک آزاد کشمیر میں 28 افراد جاں بحق جبکہ 29 زخمی ہوئے، گلگت بلتستان میں 41 افراد جاں بحق جبکہ 52 زخمی ہوئے۔
این ڈی ایم اے کی رپورٹ کے مطابق 26 جون سے اب تک 6138 مویشی ہلاک، 8658 مکان تباہ جبکہ 238 پل ٹوٹ گئے۔
