لاہور: (دنیا نیوز) پاکستانی کرکٹر حیدر علی کی معطلی کا معاملہ ان کی وطن واپسی پر زیر غور آئے گا۔
ذرائع کے مطابق پہلے برطانیہ میں تمام قانونی کارروائی مکمل ہو گی اور تمام کارروائی مکمل ہونے کے بعد پاکستان کرکٹ بورڈ (پی سی بی) معطلی کے معاملے کا جائزہ لے گا۔
ذرائع نے بتایا کہ پی سی بی کی جانب سے معطلی کے معاملے کا جائزہ لینے کے بعد ہی آئندہ کے لائحہ عمل کا فیصلہ کیا جائےگا۔
مانچسٹر پولیس نے پاکستانی کرکٹر حیدر علی کے خلاف مبینہ ریپ کا کیس خارج کردیا ہے، کیس ختم ہونے کے بعد وہ آزادانہ طور پر برطانیہ کا سفر کرسکیں گے، حیدر علی کو پولیس نے ایک لڑکی کی طرف سے ریپ کے الزامات عائد کیے جانے کے 2 ہفتوں کے بعد گرفتار کیا تھا۔
