ابو ظہبی: (دنیا نیوز) ایشیا کپ 2025 میں افغانستان نے ایونٹ میں ہانگ کانگ کو ہرا شاندار آغاز کیا۔
ابوظہبی کے زید کرکٹ سیٹیڈیم میں ہونیوالے ایشیا کپ 2025 کے افتتاحی میچ میں افغانستان کرکٹ ٹیم کے کپتان راشد خان نے ہانگ کانگ کےخلاف ٹاس جیت کر پہلے بیٹنگ کو ترجیح دی۔
افتتاحی میچ میں افغانستان نے ہانگ کانگ کو 94رنز سے شکست دے دی، افغانستان نے پہلے کھیلتے ہوئے 189رنز کا ہدف مدمقابل ٹیم کو دیا،افغانستان نے پہلے بیٹنگ کرتے ہوئے 6وکٹوں کے نقصان پر 188رنز بنائے،صدیق اللہ اتل73اور عظمت اللہ عمر زئی 53رنز بنا کر نمایاں رہے۔
ہانگ کانگ کی جانب سے کنچت شاپ اور آیوش شکلا نے 2، 2 وکٹیں حاصل کیں، احسان خان اور عتیق اقبال نے 1، 1 کھلاڑی کو آؤٹ کیا جب کہ ہدف کے تعاقب میں ہانگ کانگ کی ٹیم 9وکٹوں کے نقصان پر 94 رنز بنا سکی، ہانگ کانگ کے 9کھلاڑی ڈبل فگر میں داخل نہ ہو سکے۔
ہانگ کانگ کی جانب سے بابر حیات39اور یاسم مرتضی16رنز بناکر نمایاں رہے جب کہ افغانستان کی جانب سے گلبدین نائب اور فضل الحق فارقی نے دو،دو وکٹیں حاصل کیں۔
