دبئی: (دنیا نیوز) بھارتی کپتان سوریا کمار نے کہاکہ پاکستان سے اب رقابت والا معاملہ نہیں رہا۔
بھارتی کپتان سوریا کمار نے پریس کانفرنس کرتے ہوئے کہا کہ دس پندرہ میچز میں بھارت ہی زیادہ تر میچز جیتا، پاک بھارت میچز میں بھارت کی جیت کا تناسب تقریبا دس ایک ہے۔
سوریا کمار نے کہا کہ فیلڈنگ میں غلطیاں ہوئیں لگتا ہے کیچ چھوڑنے والوں کے ہاتھوں میں مکھن لگا تھا، پہلے فیلڈنگ کا فیصلہ وکٹ کو سمجھ کر کیا تھا۔
بھارتی کپتان نے کہا کہ دبئی کی وکٹ 14 ستمبر کے بعد کچھ آسان محسوس ہو رہی ہے، پہلے فیلڈنگ کرنے کا فیصلہ وکٹ کو سمجھ کر کیا۔
سوریا کمار کا کہنا تھا کہ میچ کا ٹرننگ پوائنٹ 10 اوورز کے بعد کا تھا، بریک کے بعد بھارتی بولرز نئے روپ میں سامنے آئے، انہوں نے بولر ڈوبے کے سپیل کو فیصلہ کن قرار دیتے ہوئے کہا کہ پاکستانی بیٹرز اسی سپیل میں آؤٹ ہوئے۔
یاد رہے کہ ایشیا کپ ٹی ٹوئنٹی کے سپر فور مرحلے کے دوسرے میچ میں بھارت نے پاکستان کو 6 وکٹوں سے شکست دے دی۔
پاکستان نے بھارت کو جیت کے لیے 172 رنز کا ہدف دیا جو کہ بھارت نے 19 ویں اوور میں 4 وکٹوں کے نقصان پر پورا کرلیا۔
