دبئی: (دنیا نیوز) انٹرنیشنل کرکٹ کونسل (آئی سی سی) ٹی 20 ورلڈ کپ 2026ء کے لیے 20 ٹیموں کی لائن اپ مکمل ہو گئی، متحدہ عرب امارات نے بھی میگا ایونٹ کے لیے کوالیفائی کر لیا۔
ٹی 20 ورلڈ کپ 7 فروری سے 8 مارچ تک بھارت اور سری لنکا میں کھیلا جائے گا۔
آئی سی سی ٹی 20 ورلڈ کپ کے لیے ایشیا پیسیفک ریجنل فائنل سے متحدہ عرب امارات نے بھی میگا ایونٹ کے لیے کوالیفائی کر لیا، اس طرح ٹی 20 ورلڈ کپ کی تمام 20 ٹیموں کی لائن اپ مکمل ہو گئی ہے۔
میزبان ممالک کے علاوہ پاکستان، آسٹریلیا، بنگلادیش، انگلینڈ، جنوبی افریقہ، ویسٹ انڈیز، نیوزی لینڈ، افغانستان، نمیبیا، زمبابوے، آئرلینڈ، کینیڈا، اٹلی، نیدرلینڈز، نیپال، عمان، متحدہ عرب امارات اور امریکا کی ٹیمیں میگا ایونٹ میں شریک ہوں گی۔
