ایڈیلیڈ: (دنیا نیوز) آسٹریلیا نے بھارت کو دوسرے ون ڈے میں بھی شکست دے کر تین میچز کی سیریز میں 0-2 سے ناقابل شکست برتری حاصل کرلی۔
آسٹریلیا نے بھارت کی جانب سے ملنے والا 265 رنز کا ہدف 46.2 اوورز میں 8 وکٹوں کے نقصان پر حاصل کرلیا، آسٹریلیا کی جانب سے میتھیو شارٹ 74 رنز کیساتھ نمایاں رہے جبکہ کوپر کونولی نے 61 رنز کی ناقابل شکست اننگز کھیلی، مچل اوون 36 اور میٹ رینشا 30 رنز بناکر آؤٹ ہوئے۔
بھارت کی جانب سے ارشدیپ سنگھ، ہرشت رانا اور واشنگٹن سندر نے 2،2 جبکہ محمد سراج اور اکشر پٹیل نے پٹیل نے ایک ایک وکٹ حاصل کی۔
قبل ازیں ایڈیلیڈ میں کھیلے گئے میچ میں آسٹریلیا نے ٹاس جیت کر بھارت کو پہلے بیٹنگ کرنے کی دعوت دی تاہم پہلے بیٹنگ کرتے ہوئے بھارتی ٹیم نے مقررہ 50 اوورز میں 9 وکٹوں کے نقصان پر 264 رنز بنائے۔
بھارت کی جانب سے 17 کے مجموعی اسکور پر کپتان شبمان گل 9 رنز بناکر چلتے بنے، اسی اوور میں ویرات کوہلی بھی بغیر کھاتہ کھولے پویلین لوٹ گئے، یہ پہلا موقع ہے جب ویرات کوہلی مسلسل دو ون ڈے میچز میں صفر پر آؤٹ ہوئے۔
روہت شرما نے 73 اور شریاس ایئرنے 61 رنز بنائے جبکہ اکشر پٹیل 44 رنز بناکر نمایاں رہے۔
آسٹریلیا کی جانب سے ایڈم زیمپا نے 4، زیویئر بارٹلیٹ نے 3 اور مچل اسٹارک نے 2 وکٹیں حاصل کیں۔
واضح رہے کہ آسٹریلیا نے تین میچز کی سیریز میں 0-2 کی فیصلہ کن برتری حاصل کرلی ہے۔
