پاکپتن: (دنیا نیوز) شہر کے مرکزی بازار میں دوگروپوں میں تصادم کے دوران فائرنگ سے پولیس اہلکار جاں بحق ہوگیا۔
تفصیلات کے مطابق پاکپتن شہر کے معروف کاروباری بازار میں دو گروپوں میں تصادم کے باعث شدید فائرنگ کا تبادلہ کیا گیا، پولیس اہلکار جھگڑے کا بیچ بچاؤ کراتے ہوئے فائرنگ کی زد میں آکر موقع پر چل بسا۔
جاں بحق پولیس اہلکار کی شناخت شاہد کے نام سے ہوئی جو قبولہ کا رہائشی اور تھانہ سٹی میں تعینات تھا۔
تھانہ سٹی عارفوالا پولیس نے موقع پر پہنچ کر لاش کو ہسپتال منتقل کردیا جبکہ ملزمان کے خلاف کارروائی کا آغاز کرتے ہوئے تفتیش شروع کردی۔
