کراچی: (شہباز خان) اینٹی نارکوٹکس فورس (اے این ایف) نے مختلف شہروں میں 9 کارروائیاں کرتے ہوئے 10 ملزمان کو گرفتار کر لیا جس کے قبضے سے 12.636 کلو گرام منشیات برآمد ہوئی ہیں۔
ترجمان اے این ایف کے مطابق کارروائیاں لاہور، کراچی، پشاور اور ملتان میں کی گئیں، کارروائیوں میں 4 کلو ہیروئن، 3 کلو 970 گرام آئس، 500 گرام چرس، 20 گرام کوکین برآمد ہوئی ہے۔
اے این ایف کے ترجمان نے مزید کہا ہے کہ کارروائی میں 69 کوکین بھرے کیپسولز بھی برآمد ہوئے ہیں، گرفتار ملزمان نے تعلیمی اداروں کے طلبہ کو منشیات فروخت کرنے کا اعتراف کیا، ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔
